Prentsa oharra • 2024ko martxoaren 21a
Imanol Pradales: «nahi ez den bakardadearen aurkako euskal programa berariazkoa abian jartzeko konpromisoa hartzen dut»
• ‘Euskadi Think Next’ berrikuntza politikoaren laborategiaren azterketa eta hausnarketarako beste jardunaldi bat egin da Tabakaleran; ehun eta berrogeita hamar pertsonak baino gehiagok parte hartu dute mintegian.
• Imanol Pradales, EAJ-PNV alderdiaren lehendakarigaia, eta Juan Jose Ibarretxe, Agirre Lehendakaria Centerreko (ALC) presidentea, izan dira mintegian parte hartu dutenen artean.
• Pradalesek nahi ez den bakardadeari aurre egiteko garrantzia azpimarratu du lankidetza publiko-sozialetik abiatuta, eta zaintza-eredu bidezkoago eta inklusiboagoaren lan egiten jarraitzeko konpromisoa hartu du, sektoreko enpleguaren kalitatea hobetuz, genero-berdintasuna sustatuz eta zaintzak eskubide eta erantzukizun kolektibo gisa aitortuz.
