Hedabideentzako deialdia • 2014ko ekainaren 3a

Josu Erkorekak eta Iñaki Anasagastik, biek idatzitako “Abertzale bat New Yorken: José Luis de la Lombana” liburua aurkeztuko dute

Asteazkenean, ekainaren 11n, 19:30ean, Sabino Arana Fundazioaren egoitzan. Ingelesez argitaratu zuen Nevadako Unibertsitateko (Reno) Euskal Ikasketen Zentroak. Jelkide gazte baten historia kontatzen du; Europarako bakea eskatzeko 1938an New Yorkera joan zelarik, erbestean geratu zen espainiar errepublikanoekin eta euskal, katalan eta galiziar nazionalistekin lan egiten.

Josu Erkorekak eta Iñaki Anasagastik, biek idatzitako “Abertzale bat New Yorken: José Luis de la Lombana” liburua aurkeztuko dute

Datorren asteazkenean, ekainak 11, 19:30ean, Josu Erkorekak eta Iñaki Anasagastik  eurek biek egindako “A Basque Patriot in New York. Jose Luis de la Lombana y Foncea and the Euskadi Delegation in the  United States”  (Abertzale bat New Yorken. José Luis de la Lombana  Foncea eta Euzkadiren Ordezkaritza  Estatu Batuetan)  liburua aurkeztuko dute. Aurkezpen-ekitaldia Sabino Arana Fundazioaren egoitzan (Mandobide, 6. Bilbo) egingo da. Liburua Nevadako Unibertsitateko (Reno) Euskal Ikasketen Zentroak  argitaratu du ingelesez, Estatu Batuetan

Gaur egun Euskadin  ez dago José Luis de la Lombana  Foncearen figuraren gomuta handirik. Hala ere, “Abertzale bat New Yorken” liburuak  jelkide arabar gazte baten historia  ezin sinetsizkoa jasotzen du; Gasteizen jaio zen, 1911ko apirilaren 3an eta Gerra Zibila bete betean zela Estatu Batuetara joan zen Europarako bakea eskatzera, eta orduan, erbestean zela, txosten eta ohar ugari egin zituen estatubatuar gizarteari zein euskal abertzaletasunari buruzkoak. Hori guztia oso garai korapilatsu eta iskanbilatsu baten esparruan, hala Estatu Batuetan bertan  nola Munduko gainerako lekuetan. 

Liburuak haren biografia kontatzen du: Madrilen jaso zuen hezkuntzatik hasi eta  1936ko Gerra Zibila ekarri zuen estatu-kolpe militarraren garaiko erresistentzia eta Gasteizen espetxeratua izan zen sasoia, bai handik ihes egin eta Frantziara joan zenekoa,  gero Bartzelonako aktibismoa —hiri horretan, erbestaldiko Euzkadiko Jaurlaritza sostengatzen zuen Euzkadi egunkari jelkideko editore gisa egin zuen lan— eta azkenik beraren erbestaldia.

Eguna: 2014ko ekainaren 11, asteazkena

Ordua: 19:30 

Lekua: Sabino Arana Fundazioa (Mandobide, 6. Bilbo)

Hitz egingo dutenak: Josu Erkoreka, Iñaki Anasagasti eta Xabier Irujo, editorea, Nevadako Unibertsitateko (Reno) Euskal Ikasketen Zentroko zuzendarikidea