Hedabideentzako deialdia • 2024ko martxoaren 12a

«EXPEDICIÓN GROENLANDIA», nabigazioa eta mendizaletasuna uztartzen dituen abentura ausart bati buruzko istorioa

Sabino Arana Fundazioaren Euskal Abertzaletasunaren Museoak antolatuta, dokumentala emango da martxoaren 12an, asteartearekin, 19:00etan, SAFen, Zigor Egia mendigoizale eta Euskal Mendizale Federazioaren presidentea protagonista duela.

Zigor Egia mendigoizale eta Euskal Mendizale Federazioaren presidentearen eskutik, «EXPEDICIÓN GROENLANDIA» dokumentalaren emanaldia antolatu du Sabino Arana Fundazioaren Euskal Abertzaletasunaren Museoak. Dokumentala datorren martxoaren 12an, asteartearekin, emango da, SAFen, 19:00etan. Islandiatik abiatuta, Danimarkako itsasartea hamaika metroko belaontzi batean zeharkatu duten lau lagunen abentura kontatzen du filmak, Groenlandiako ekialdeko kostaldera iristeko asmoz, oraindik ere eskalatu ez diren mendiak eskalatzeko.

Nabigazioa eta mendia ezkontzen dituen espedizio berezi horretan, lau alpinistek bi tontorretara igo ziren, horietako batera lehenago inor inoiz igo ez zela.

 Zigor Egia

Zigor Egia Amurrion (Araba) jaio zen 1975ean, baina lotura handia dauka Arrigorriagako (Bizkaia) herriarekin. Munduko hainbat mendilerrotako gailur ugarira igo da: Pirinioak, Europako Mendiak, Alpeak, Dolomitak, Karpatoak, Himalaia, Marokoko Atlasa –bederatzi aldiz baino gehiagotan izan da hango mendirik garaienean, Tubkal mendian–, eta abar. Bidaia alternatiboak ere egin ditu Indiara, Nepalera, Errusiara, Turkiara, Austriara, Alemaniara, Txekiar Errepublikara, Islandiara, Groenlandiara, Estatu Batuetara...

Alpinismoan, eskaladan, mendiko eskian, barrankismoan, parapentean, bizikletan eta mendi-ibilaldietan jarduten du.

1930eko hamarkadako Arrigorriagako mendizale euskaldunari buruzko «Juan Ramón González Sojo, legado de un alpinista» dokumentalaren zuzendaria da eta «Expedición Groenlandia» filmaren ekoizlea eta protagonista. Gaur egun, Euskal Mendizale Federazioaren presidentea da.