Hedabideentzako deialdia • 2022ko urriaren 26a

Europako Alderdi Demokratak (PDE-EDP) mintegi bat antolatuko du Bilbon, aro digitalean, demokraziaren defentsaz hausnartzeko helburuz

•     Sandro Gozi, PDE-EDPko idazkari nagusia eta Europako Parlamentuko diputatua (linean); Andoni Ortuzar, EAJ-PNV alderdiaren EBBko burua; Mireia Zarate, Sabino Arana Fundazioaren presidentea; Patrick Mignola, MoDem taldeko presidenteordea; eta Stéphane Séjourné, Renew Europe taldeko presidentea Europako Parlamentuan, jardunaldiaren hasiera-ekitaldian arituko dira datorren asteazkenean, hilak 26an, 9:00etan, Sabino Arana Fundazioan.

•     Topaldia streaming bidez ere jarraitzea izango da www.sabinoarana.eus, PDE-EDPren www.democrats.eu eta EAJ-PNVren www.eaj-pnv.eus  webguneetan.

«Demokraziaren defentsa gizarte digitalean» izenburu orokorraren ildoan, Europako Alderdi Demokratak (PDE-EDP) mintegia antolatuko du datorren urriaren 26an, asteazkenarekin, 9:00etatik 13:30era, Sabino Arana Fundazioaren egoitzan.

Aurten, The Economist egunkariak kalitate demokratikoari buruz argitaratu duen azken txostenak agerian utzi du demokrazia eta askatasuna nabarmen beheratu direla. Askatasunen atzerakada ezaugarri duen testuinguru honetan, gure iritziz, demokraziaren etorkizuna, hein handi batean, gizarte digitalaren eraldaketetara egokitzeko gaitasunari lotuta dago, etorkizuneko erronkei aurre egingo badie.

Hasteko eta bat, argiro esan behar dugu aro digitalak, egiazko iraultza disruptibo batek, goitik behera aldarazi dituela ekonomia- eta gizarte-harremanak. Era berean, gure eguneroko bizimodua apurka-apurka digitalizatuz joan den bitartean, gure sistema demokratikoak uzkur dira, oraindik ere, ekosistema digital berri horretara egokitzearen inguruan.

Gure demokrazien kalitate demokratikoaren narriadura geldiarazteko, nahitaez ohartu behar gara demokraziaren etorkizuna lotuta dagoela aro digitalak dakarzkigun erronkak gainditzeko gaitasunarekin. Hau da, balio demokratikoen indarra eta iraupena bermatu behar ditugu arriskuak ekarri dakartzaten ekosistema teknologiko berrietan, azken batean, teknologiaren abantailei ezin baitiegu uko egin.

EDPk sustatu eta babesten duen mintegi horretan, arloko hainbat aditu eta profesionalek parte hartuko dute; horiek guztiek demokraziaren oraina eta geroa aztertuko dituzte aro digital berriaren esparruan.

Hala, Daniel Innerarity Filosofia politikoko katedradunak, Gobernantza Demokratikoaren Erakundeko zuzendariak eta Europako Unibertsitate Institutuko (Florentzia) irakasleak gizarte digitaleko balio demokratikoen etorkizuna jorratuko du.

Miquel Urmeneta kazetaria eta unibertsitateko irakaslea «Digitalizazioa eta esparru publiko demokratikoa» gaiaz arittuko da.

Rafa Suso estrategia, komunikazio eta enpresen branding arloko aholkulariak sare sozialek iritzi publikoaren informazioa egituratzean duten eginkizuna azalduko digu.

Carmen Beatriz Fernández doktoreak eta DataStrategia Consultores enpresako presidenteak ziberpolitikak polarizazioaren eta populismoaren gorakadan daukan eragina aletuko du.

Eta Andrzej Potocki poloniar politikari, kazetari eta historialariak, PDE-EDPko presidenteordeak, Europa Erdialdeko eta Ekialdeko sistema demokratikoen kalitatea eta Europar Batasunean izan dezaketen etorkizuna  aztertuko ditu.

Irune Zuluaga legebiltzarkide eta Eurobasqueko presidenteak jardunaldia moderatuko du.

 

EGITARAUA

DEMOKRAZIAREN DEFENTSA GIZARTE DIGITALEAN

 

Sabino Arana Fundazioa, Bilbao. 2022.10.26, asteazkena

 

09:00  Jardunaldiaren irekiera

 

            Mireia Zarate, Sabino Arana Fundazioko presidentea

            Andoni Ortuzar, EAJ-PNVko EBBren presidentea

            Sandro Gozi, MEP eta PDEko idazkari nagusia  

            Patrick Mignola, MoDemeko presidenteordea  

            Stéphane Séjourné, Renew Europe taldearen presidentea Europako Parlamentuan

           

Moderatzaile: Irune Zuluaga, eusko legebiltzarkide eta Eurobasqueren presidentea

 

09:45  1. Balio demokratikoen etorkizuna gizarte digitalean

                

Daniel Innerarity, Filosofia politikoan katedraduna, Gobernantza Demokratikoaren Institutuko zuzendaria eta Florentziako Europako Unibertsitate Institutuko irakaslea          

 

10:15  2. Digitalizazioa eta eremu publiko demokratikoa

 

            Miquel Urmeneta, kazetari eta unibertsitateko irakaslea

           

10:40  Galderak, proposamenak eta erantzunak

 

11:00  Atsedenaldia

 

11:20   3. Sare sozialen zeregina informazioa iritzi publikoan konfiguratzean

 

Rafa Suso, Enpresen estrategia, komunikazio eta branding aholkularia

 

11:40    4. Ziberpolitikaren rola polarizazioaren eta populismoaren gorakadan

 

Carmen Beatriz Fernández, doktore eta DataStrategia Consultores-en presidentea

 

12:00  Galderak, proposamenak eta erantzunak

 

12:20    5. Sistema demokratikoen kalitatea Erdialdeko eta Ekialdeko Europan, eta haien etorkizuna Europar Batasunean

 

Andrzej Potocki, Poloniar politikaria, kazetaria eta historialaria. PDEren presidenteordea.

 

12:45  Galderak, proposamenak eta erantzunak

 

13:15  Ondorioak

 

13:30  Jardunaldiaren amaiera