Hedabideentzako deialdia • 2025ko azaroaren 12a

Mintegia: Agiriak, diktaduraren gainerako biktimak, Franco hil eta 50 urtera

Azaroak 12, asteazkenarekin, 9:00etatik aurrera, Sabino Arana Fundazioan (SAF)

• Aitor Esteban EAJren EBBko presidenteak emango dio hasiera jardunaldiari, «Sekretu ofizialen Legeari» buruzko hitzaldia eskainita.
• Mintegiak hainbat gai jorratuko ditu, hala nola dokumentu-iturrietarako irispidea eta mendean oraindik ere badirauten dokumentuen sakabanaketa eta konfiskazioa.
• Sarrera librea da, baina izena eman behar da nahitaez, Sabino Arana Fundaziora deituta (94.405.64.50) edo idazkaritza@sabinoarana.eus helbidera posta elektronikoa bidalita.

 

Aurten 50 urte bete dira Franco hil zenetik, eta gerrak eta diktadurak eragindako ondarearen eta/edo dokumentazioaren egoerak harrigarria izaten jarraitzen du: artxibo batzuek konfiskatuta daude oraindik, errepresioaren historia aztertzeko eta ezagutzeko iturriek sarbide sarbide mugatua dute edo, bestela, ez dago sarbiderik, eta ondasun asko ere ez dira itzuli...

Hori dela eta, Sabino Arana Fundazioaren Euskal Abertzaletasunaren Agiritegiak jardunaldi bat antolatu du datorren azaroaren 12an. Jardunaldi horrek abiapuntu berria ekarri nahi du, gertatutakoaren eta orain arte lortutakoaren historia ezagutu ostean, egungo egoerak alderdi guztietatik begiratuta hobera egin dezan aldarrikatzeko asmoz: legezko jabeei ondasunak eta dokumentu-funtsak itzultzea, diktadurak sortutako dokumentuak eskuratzea eta abar.

Jardunaldia 9:00etan hasiko da, Aitor Esteban EAJ alderdiaren EBBko presidentearen eskutik. Estebanek «Sekretu ofizialen Legeari» buruzko hitzaldia emango du.

Geroago, honako hauek jardungo dute:

Josep Cruanyes, Comissió de la Dignitat elkarteko presidentea, ondoko hitzaldia eskainita: «Kataluniako ondare dokumentala. Itzultzeko aldarrikapenen iragana eta oraina».

Fernando Mikelarena historialari eta Zaragozako Unibertsitateko irakasle titularra, «Frankismoaren zigorgabetasunari buruzko dokumentazioari eta ikerketari heltzeko mugak» izenburua daroan hitzaldia eskainita.

Sergio Gálvez, Lan eta Gizarte Ekonomia Ministerioko Artxibo Nagusiko zerbitzuburua, «Konkiskazioa, estatu-politikaren giltzarria frankismoan: Ondasun Sindikal Marxistak Kalifikatzeko Batzordea» izenburuko hitzaldia eskainita.

Javier Buces, NUPeko irakasle laguntzailea eta Aranzadi Zientzia Elkarteko historialaria, «Frankismoaren errepresioaren ikerketa historikoa Euskadin artxiboak erabiliz: zailtasunak, hutsuneak eta itxaropenak» hitzaldia eskainita.

Eduardo Jauregi, Sabino Arana Fundazioaren Agiritegi Historikoaren koordinatzailea, «Salamancan konfiskatutako euskal artxiboak. Euzko Alderdi Jeltzalearen dokumentazioaren kasua» hitzaldia eskainita.

Mintegiaren xede-taldea, batez ere, arloko irakasleek, teknikariek eta ikasleek zein gradu-ondoko ikasleek osatzen dute, baina, ohi bezala, jardunaldia zabalik egongo da gai honetan sakondu nahi duten guztientzat.

Bertaratzea doakoa izango da, baina ezinbestekoa da aldez aurretik izena ematea 94 405 64 50 telefonora deituz edo idazkaritza@sabinoarana.eus helbidera idatziz.