Hedabideentzako deialdia • 2025ko urriaren 2a

"Oroimenaren laharrak sustraiak eta fruituak" liburuaren aurkezpena

Alazne Díez Muñiz soziologo eta antropologoak “Oroimenaren Laharrak, Sustraiak eta Fruituak” liburua aurkeztuko du Sabino Arana Fundazioan

Alazne Díez Muñiz soziologo eta antropologo plentziarrak idatzitako «Oroimenaren Laharrak, Sustraiak eta Fruituak» azken liburuaren aurkezpena egingo du egileak datorren ostegunean, urriak 2, 19:00etan, Sabino Arana Fundazioan. Bizkaiko Foru Aldundiak argitaratutako lanak memoria kolektiboaren barrenetan murgilduko gaitu, dibulgazio antropologiko darabilen saiakera nobelatu baten bidez.

Oroimenaren Laharrak, Sustraiak eta Fruituak gizonen eta emakumeen bizipenak uztartzen dituen lana da, eta garrantzia ematen die emakumezkoei elkarri lotuta dauden hainbat istoriotan. Kontakizun horietako asko elkarrizketa bidez jaso diren benetako gertaeretan oinarriturik daude, irakurleari egiazko ikuspegi hunkigarria eskainita. Liburua biografien, historia sozialaren, ohituren, elezaharren eta leku nahiz gertaera espezifikoei buruzko datu historikoen mosaikoa da, eta horregatik, dokumentu antropologiko eta sozial baliotsua dugu.

Alazne Díez Muñiz egileak eleberri-eran idatzi du liburua, irakurketa atsegingarri bihurtu eta pasadizoen argigarritasuna errazteko asmoz. Narrazioaren aberastasun etikoak gogoeta eta enpatia piztu nahi ditu irakurlearengan, hain urrun ez dauden atzoko gertaerei buruzko begirada ulerkorrari bidea emanez.

Alazne Díez Muñiz (Plentzia, 1946) Soziologiaren eta Antropologiaren arloko ikertzaile esanguratsua da. Soziologiako eta Gizarte Antropologiako lizentziaduna (UNED) eta Antropologiako doktorea (Deustuko Unibertsitatea) da. Hainbat liburu idatzi dituela, hala nola «La memoria, herida abierta. Guerra Civil y franquismo» eta «El desván iluminado. Voces y ecos de mujeres», bide sendoa egin du kultura- eta gizarte-ondarea ikertzen eta zabaltzen.