Efemeridea 2023ko martxoaren 6a

Jose Antonio Agirre, lehen Lehendakaria

Agirre Lehendakariaren jaiotzaren 119. urteurrena bete da gaur (Bilbo, 1904ko martxoaren 6a-Paris, 1960ko martxoaren 22a).

Jose Antonio Aguirre Lehendakaria Jose Antonio Aguirre Lehendakaria

Gaur, 119 urte bete dira Jose Antonio Agirre Lekube, Teodoro eta Bernardinaren semea, Bilboko Gurutze kaleko 6. zenbakian jaio zela. 33 urte zituela, Euskadiko lehen Lehendakaria izan zena Bilbon jaio zen, Gipuzkoako mendebaldetik etorritako familia baten altzoan. Ama Mutrikukoa zen eta aita Bergarakoa. Agirre familia Bilbon bizi zen 1886tik, aititak –hura ere Jose Antonio–, Artekale kalean gozotegia zabaldu zuenetik. Sasoi hartan, Unamuno eta Aranzadi familiak ere Bergaratik etorriak ziren Bilbora. Gozotegiaren negozioak laster ekarri zuen txokolate-fabrika bat, Tiboli inguruan.

Jose Antonio Rodriguez Ranz historialariak, Agirreren heriotzaren berrogeita hamargarren urteurrenaren kariaz, 2010eko martxoaren 27an, DEIA egunkarian argitaratutako José Antonio Agirreri buruzko artikulua erantsi diogu artikuluari.