Webgune honetan gure cookie-ak eta bitartekoenak erabiltzen ditugu soilik zure bisita optimizatzeko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago

AZKEN EDIZIOA: 2020 SARIAK

 

José Barreira

Sabino Arana Fundazioak Jose Barreira, duela ia 40 urtetik hona Euskadin bizi den industrialari galiziarra, aintzatetsi eta saritu nahi du, bere gogo ekintzaileagatik eta Euskal Autonomia Erkidegoan enpresa-ekimen arrakastatsuak sustatu eta zuzentzeko erakutsi duen gaitasun ezagunagatik. Kemen ekintzaile hori sustatzeko eta suspertzeko duen berezko talentuari esker, Barreira aise hurbiltzen da euskal gazte askorengana, hitzaldi ugari ematen ditu haientzat, eta “ekiteko beldurra bazter uztera” gogatzen ditu galiziarrak gure gazteak. Alderdi hori agerian geratu da abian jarritako proiektu ugarietan diziplina anitzeko taldeak zuzentzen, planifikatzen eta gainbegiratzen ondu duen ibilbide profesionalean: garraio-enpresa bat, enpresa eoliko bat, hotelak, jatetxeak…


Remei Sipi

Sabino Arana Fundazioak Remei Sipi aintzatetsi eta saritu nahi du, feminismo militantearen esparruan eta, zehazkiago, Afrikako aldeko borrokan diharduen ekintzaile nekaezina delako. E 'Waiso Ipola (Emakume, altxa zaitez) emakumeen elkartearen sustatzaile eta idazkaria Sipi eta elkarteak gizarte-bazterkeria jasateko arriskuan dauden eta Espainiako Estatuan bizi diren emakume afrikarrak hartzen ditu. Bubi etniako (Bioko uhartea-Ekuatore Ginea) idazle horren lan ekinari esker, izatezko eskubideak eta aukera-berdintasuna galdatzen dituzten aipaturiko emakume horien egungo egoera ezagut dezakegu, euren gobernuek, erlijioek, tradizioek eta bikotekideek ezartzen dizkieten oztopoen gainetik; gainera, emakumeak funtsezko osagaiak dira euren familien eta komunitateen biziraupenean.


Amaia Gorostiza

Sabino Arana Fundazioak Amaia Gorostiza enpresaburu eta Eibar Kirol Elkartearen presidentea aintzatetsi eta saritu nahi du, enpresaren arloan zein futbolaren munduan eginiko kudeaketa-eredu bikainagatik.

Amaia Gorostizak eduki daukan enpresa-ikuspegi bikaina dela eta, kontseilari-kargua betetzen du hainbat sozietatetan. Gainera, Gorostiza buru dela, 2020an 80. urteurrena bete duen Eibar Kirol Elkartea estatuko futbolaren maila gorenean finkatu da. Ildo beretik, ohore handiz esan dezakegu euskal enpresaburu honen ekimenari esker, Eibar dugula Lehen Mailan gizonezkoen eta emakumezkoen taldeak dituen Europako hiririk txikiena. 2020an, kirolaren munduan eragin handiena izan duten 25 emakumeetako bat da mundu mailan eta, hartara, Gorostizak erakutsi digu berdintasuna lorgarria dela kirol eta enpresa lako esparru maskulinizatuetan ere bai.


Juan Antonio Urbeltz

Sabino Arana Fundazioak Iruñeko Juan Antonio Urbeltz antropologo eta folklorista aintzatetsi eta saritu nahi du, azken berrogeita hamar urteotan euskal kulturari egindako ekarpen zabal eta oparoagatik, herri-kultura tradizionala ikertu, aztertu eta zabalduz. Ibilbide horretan liburu eta ikerketa garrantzitsuak argitaratu dira, batez ere dantza tradizionalen eta jai herrikoien inguruan. Hamarkadetako lan zorrotza, gure folklore-ondare aberatsa sustatzen eta zabaltzen lagundu duena, eta ondare hori ahanzturan ez erortzea eta bizirik jarraitzea ahalbidetu duena.


Bilboko Mediku Zientzien Akademia

Sabino Arana Fundazioak Bilboko Mediku Zientzien Akademia, lehen mailako erreferente soziosanitarioa, aintzatetsi eta saritu nahi du, bizkaitarren osasunaren, ongizatearen eta bizi-kalitatearen alde egindako 125 urtetik gorako ibilbide luzeagatik.

Hori guztia Medikuntzako, Farmaziako, Odontoestomatologiako, Biologiako eta Albaitaritzako 1.000 profesionalen baino gehiagoren lan eskuzabalaren emaitza da, bai eta unibertsitateko kide nabarmenena ere, guzti-guztiak ezagutzaren sortzaile baitira, eta etengabeko osasun-hobekuntzaren erronkari eutsi eta eusten baitiote. Pertsonak osasun-sistemaren jardunaren ardatz nagusitzat hartuz, osasunak eta gizarteak harmoniaz edo adiskidetasunez elkartutako binomioa osa dezaten eta Zientziaren aurrerapenen lekuko izaten jarrai dezaten.

© 2013-2021 Sabino Arana Fundazioa