Webgune honetan gure cookie-ak eta bitartekoenak erabiltzen ditugu soilik zure bisita optimizatzeko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago

Hurrengo ekitaldia: PREMIOS SABINO ARANA SARIAK 2021

 

 

 

Berriak - Prentsa oharrak

Euskaltzaindiak, Zuzenbidearen Euskal Akademiak eta Sabino Arana Fundazioak Bonifacio Echegaray gogora ekarriko digute

• Hiru adituk euskal herritar esanguratsu horren bizitzari lotutako hainbat alderdi jorratuko dituzte. Abenduaren 16an, ostegunarekin, 9:30etan hasita, Sabino Arana Fundazioan.


igandea, 2021.eko abenduak 5

Euskaltzaindiak, Zuzenbidearen Euskal Akademiak eta Sabino Arana Fundazioak Bonifacio Echegaray gogora ekarriko digute

Aurten, 65 urte beteko dira Bonifacio Echegaray euskal legelari, historialari, euskaltzale eta idazlea hil zela. Hori dela eta, Euskaltzaindiak, Zuzenbidearen Euskal Akademiak eta Sabino Arana Fundazioak mintegi bat antolatu dute elkarlanean, euskal herritar esanguratsu horren bizitzari lotutako hainbat alderdi jorratzeko, hain zuzen ere, haietan islatzen direlako XIX. mendearen amaierako eta XX. mendearen lehen hereneko euskal kulturak, historiak eta Zuzenbideak ondutako lorpenak eta ametsak eta, bide batez, gaur egungo garaiari buruz hausnartzeko modua ematen digutelako.

ç
Mintegia abenduaren 16an, ostegunarekin, egingo da, goizeko 9:30etatik 13:00etara, Sabino Arana Fundazioaren egoitzan. Jardunaldi horretan, Seve Calleja kritikari, ikertzaile eta irakasleak Echegaray idazlea aurkeztuko digu; Andres Urrutia euskaltzainburuak eta Zuzenbidearen Euskal Akademiako buruak, aldiz, Echegaray legelariaren berri emango digu; eta, azkenik, Bonifacioren biloba Lázaro Echegaray soziologoa eta Gizarte Zientzietako doktorea omendutako euskaldun ikasiaren bizipenez arituko da. Jardunaldiaren amaieran, mahai-ingurua egingo da.


Jardunaldiaren egitaraua doa erantsita.


Hizlariak:


> Andres Urrutia
Bilboko notarioa eta Deustuko Unibertsitateko Zuzenbide Fakultateko irakaslea. Zuzenbidearen Euskal Akademiako kidea eta egungo presidentea. Euskaltzainburua.


> Seve Calleja
Ikertzailea, irakaslea eta kolaboratzailea hainbat argitalpen eta aldizkaritan: Peonza, Gure Zurgaia eta Bilboko Udalaren Bilbao egunkarian.


> Lázaro Echegaray Eizagirre
Soziologoa, Gizarte Zientzietako irakasle-doktorea eta ikertzailea.

 

Etortzea baieztazeko 94.405.64.50 telefonoan edo idazkaritza@sabinoarana.eus posta elektronikoan.

 
Comments (0) Number of views (1097)

DEIA: Euskal historiak atalean argitaratutako azken artikulua

MEZU@

Gure komunikazioak jaso nahi badituzu (deialdiak, prentsa oharrak, iritzi artikuluak, etab.), Mezu@ harpidetu:
 

 

 

 

 

 

 

 

 

 

 

 

 

 

 


HERMES aldizkaria: azken alea

70. zenb. (2021) salgai, gure egoitzan bakarrik eskuragarri. Prezioa: 5 euro (postaz bidaliz gero, bidalketa-gastuak ez dira sartzen )

 

Harpidetza online

Aleak bidaltzeko, eskatu agiritegi@sabinoarana.eus emailean

handitu irudia

  • Erakunde hauen laguntzarekin:

© 2013-2021 Sabino Arana Fundazioa